დეტალები
ადგილმდებარეობა
ჩვენი ქორწილი გაიმართება უნგრეთში, ბუდაპეშტიდან დაახლოებით 1.5 საათის სავალზე, ქალაქ ტატაში. ცერემონია გაიმართება ისტორიულ Pálma Rendezvényház-ში. ეს უნიკალური შენობა მე-19 საუკუნის ბოლოს აშენდა როგორც პალმების სახლი, სადაც ზამთარში ეგზოტიკურ მცენარეებს ინახავდნენ. მოგვიანებით ის ქალაქის ერთ-ერთ საყვარელ შეხვედრის ადგილად იქცა. დღეს სრულად აღდგენილი შენობა ელეგანტური ღონისძიებების სივრცეა, რომელიც ისტორიულ ატმოსფეროსა და ბუნების სილამაზეს აერთიანებს. ზუსტ მისამართს ქვემოთ რუკაზე ნახავთ. პარკი, სადაც ეს შენობა მდებარეობს, ისტორიულად ეკუთვნოდა უნგრეთის ერთ-ერთ ყველაზე გავლენიან არისტოკრატიულ დინასტიას — Esterházy-ების ოჯახს. ჰაბსბურგების ეპოქაში ისინი ძალიან ძლიერი და გავლენიანი იყვნენ და ხშირად „უნგრული არისტოკრატიის ელიტად“ მიიჩნეოდნენ. მათ ეკუთვნოდათ მრავალი მამული და სასახლე მთელ ქვეყანაში.
რუკა
ტრანსპორტირება ბუდაპეშტიდან
თქვენი კომფორტისთვის, ქორწილის დღეს სპეციალური ტრანსპორტი უზრუნველყოფს კომფორტულ მგზავრობას ბუდაპეშტიდან ტატაში და ქორწილის მეორე დღეს უკან დაბრუნებას. დეტალებს მოგვიანებით გაგაცნობთ.
პროგრამა
- 4:00 PMსტუმრების მიღება
გთხოვთ მობრძანდით ზუსტად 4 საათზე, ცერემონიის დაწყებამდე შეხვდებით სხვა სტუმრებს, ისიამოვნებთ გამაგრილებელი სასმელებით და სნექებით.
- 4:30 PMცერემონია
ცერემონია გაიმართება ბაღში, Pálma Rendezvényház-ის წინ. გთხოვთ დროულად დაიკავოთ ადგილები, რათა ჩვენმა დღემ მშვიდად და კომფორტულად ჩაიაროს.
- 5:30 PMფოტოსესია
ცერემონიის შემდეგ, თქვენთან ერთად გადავიღებთ სამახსოვრო სურათებს.
- 6:30 PMვახშამი
ვახშმისას გელოდებათ უნგრული კერძები, ცოცხალი მუსიკა, და ბევრი მხიარულება.
- 9:00 PMცეკვა და გართობა
კარგი მუსიკა, კარგი განწყობა — ამაზე მუსიკალური ბენდი იზრუნებს
საცხოვრებელი
უნგრული ქორწილები, როგორც წესი, დილის 2–3 საათამდე გრძელდება. იმისათვის, რომ კარგად დაისვენოთ, საქართველოსდან ჩამოსულ სტუმრებს ქორწილის შემდეგ გეპატიჟებით ისტორიულ სასტუმროში, Kristály Imperial Hotel.
სასტუმრო თავდაპირველად აშენდა Esterházy-ების ოჯახის დაკვეთით 1766–1769 წლებში, რათა ბუდაპეშტსა და ვენას შორის მგზავრობისას დასვენების ადგილი ყოფილიყო. აქ ხშირად რჩებოდნენ სამეფო ოჯახის წარმომადგენლები, ჰაბსბურგები და დედოფალი ელიზაბეტი (სისი). სასტუმრო მდებარეობს საქორწინო დარბაზიდან სულ რაღაც 5 წუთის სავალზე. იმისთვის, რომ ზუსტად განვსაზღვროთ ოთახების რაოდენობა, გთხოვთ შეავსოთ ფორმა და მიუთითოთ სტუმრების რაოდენობა.
მოუთმენლად ველოდებით თქვენთან შეხვედრას, გთხოვთ შეგვატყობინეთ პასუხი მაისის ბოლომდე.